طريقة تغيير لمبات الطبلون والمكيف في الفورد إلى ليزر أوعادي

بسم الله الرحمن الرحيم

السلام عليكم ورحمة الله وبركاته

أولاً شرح طريقة تغيير لمبات الطبلون إلى led ليزر أو أخضر بحالة الوكالة نبدا الطريقة تغيير لمبات الطبلون

أول شي نبدأ بفك الطبلون وأخراج العدادت

تحتاج إلى : ورق صنفرة ناعم 230 و مناديل و غراء قزاز و شطرطون و صحن فيه مويه وصابون

بعد فك الطلبون طلع العدادت طلع العدادت وشيله معك البيت عشان تشتغل برواقه لازم تكون رايق وفاضي لها عشان لاتحوس الدنيا
طبعا الأبر تقدر تحركها طبيعي بس بشويش واحفظ اماكنها
حرك الأبرة شوي تحت وحط عليها اشطرطون عشان تثبتها وفك البلاستك الي مكتوب عليها الأرقام بشويش برضة وحط
في المنديل شوي من الموية والصابون وحطها على الأرقام وغطس مربع صغير من ورق الرمل(الصنفرة) في نفس الموية

وافرك الأرقام وحط موية وصابون شوي شوي لين يصير الورقة من ورا بيضا ترا طبيعي تصير بيضا

لاتحسبها راحت الألوان كلها افرك كل العدادات وبتلاقي في العداد الكبير حق السرعة قطعة خضرا عند
عدادات الممشا شيلها اذا تبي الأضائة بيضا عند المنطقة ذي وبعد ما تخلص كل العدادات افركها بمنديل فية موية وصابون ونشفها .

بعد الصنفرة حط في اماكن الألتصاق غرا قزاز ولزقة وحط اشطرطون علية لمدة ساعة ثم فك الشطرطون وركبه وبس
خلصنا من طريقة الصنفرة وأزالة اللون الأخضر وركب لمبات الليزر led ثم ركب العدادت وطبق الطبلون او تغيير اللمبة فقط لوضعية الوكالة الأخضر او الليزر الأبيض

صور للطبلون بعد التركيب

ثانياً طبلون فرارات المكيف

اليووم وانا فاضي مريت محل الزينه علشان ابشتري لمبات لان عداد المكيف فيه لمبات خربانه ومحترقه المهم لقيت لمات LED ليزر وطرت على باالي فكره قلت ليش مغيرها الى ليزر قات بكم قال بـ25 قلت آخر كلام وبعد المحاولات اخذتها ب15 طبعاً لمبتين واخذت سكن عاديه ومالكم بالطويله وانا اعوود للبيت وادهر بالموتر وقلت لازم اتعلم واتدرب على فكها وتركيبها مثل الطبلون والله يشهد على ذلك تاابعوو ماحدث..

أذكروا الله

الادوات المطلوبه :

1- مفك مصفح 2- لمبات عاديه او LED

نبدأ بالشرح

طبعاُ اول شي نفك الديكور اللي فوق المكيف بعد كذا نفك كيبل الساعه بعدها نفك دوائر التحكم والطريقه انك تسحبها بأتجاهك بعد كذا نبدا بالزبده وهذي المرحله يبيلها انتبااه..

نضع المفك في الفتحات وبرفق نظغط على الكلبس الى اسفل وهكذا في البقيه طبعاً عددها خمس فتحات فوق وخمس فتحات تحت طبعاً اللي تحت ماايحتااج تسوي فيها الطريقه لانك اذا فكيت اللي فوق خلاص اسحبها وتطلع معاك .. وترى عاادي لو انكسر كلبس او اثنين منقهر انكسر عنده ثلاث كلبسات بعد كذا تشوف اللمبات طبعاً اللي فقط يبي يغيرها بدون ليزر يستبدلها بالجديده ويبدأ بالعكس

اللي يبي ليزر يكمل ويفك القطعه الشفافه علشان يطلع العاكس الاخضر..
طبعأ طريقه فكها تجيب مفك مربع صغير وتحميه بالنار بس انتبه وخرم الدوائر بس انتبه لاتخرم القطعه وتشوها هذي القطعه الشفافه وذا العاكس الاخضر فكه سهل وبعدين رجع القطعه الشفافه بعد القروشه ذي كلها نركب اللمبات (أذكروا الله ) الحين رجع كل شي بالعكس ومبروك عليك الليزر ( اذكرو الله )